საქართველოში საფრანგეთის ელჩი, ქალბატონი შერაზ გასრი და გერმანიის ფედერაციული რესპუბლიკის ელჩი, ბატონი ერნსტ პიტერ ფიშერი, ორგანიზაცია „ქალი და განვითარება“-ს მენეჯმენტის გუნდს შეხვდნენ.
შეხვედრაზე ელჩებმა ისაუბრეს საქართველოს სოციალურ-ეკონომიკურ განვითარებაში საფრანგეთისა და გერმანიის წვლილის შესახებ, განსაკუთრებული აქცენტი გაკეთდა ქალთა უფლებების წინსვლასა და განვითარებაზე.
„ქალი და განვითარება“-ს მენეჯმენტის გუნდის წევრებმა სტუმრებს ორგანიზაციის მიმდინარე და სამომავლო გეგმები გააცნეს.
შეხვედრის დასასრულს, „ქალი და განვითარება“-ს მენეჯმენტის გუნდმა საფრანგეთისა და გერმანიის საელჩოებს მრავალწლიანი და ფასდაუდებელი მხარდაჭერისთვის ღრმა მადლიერება გამოხატა.